વડોદરાના ડભોઈ થી મિયાગામ સુધીની અઢી ફુટ પહોળી રેલવે લાઈન બ્રિટિશ ભારતમાં નાખવામાં આવેલી પ્રથમ #નેરોગેજ રેલવે લાઇન હતી અને ભારતના કોઈ રજવાડાની માલિકીની હોય તેવી પણ આ પ્રથમ રેલ્વે હતી .
1862 માં બરોડાના મહારાજા ખંડેરાવ ગાયકવાડે ડભોઇથી મિયાગામ સુધી આઠ માઈલ (૧૩ કી.મી.) લાંબી અઢી ફૂટની રેલ્વે લાઇનનું ઉદઘાટન કર્યું. જેના પર ટ્રેનને ખેંચવા બળદોનો ઉપયોગ કરવામાં આવતો હતો .
જોકે 1863 માં નીલ્સન એન્ડ કું.એ આ લાઇન પર ચલાવવા માટે એક એન્જિન બનાવ્યું હતું, પરંતુ આ લાઇન રેલ એન્જિનના નિયમિત ઉપયોગ માટે યોગ્ય નહોતી.
પાછળથી મહારાજા સયાજીરાવ ગાયકવાડ ત્રીજાના શાસન દરમિયાન રેલ્વેનું નેટવર્ક વધુ વિસ્તૃત થયું. 1873 માં ડભોઇ-મિયાગામ લાઇનને બળદની જગ્યાએ એન્જિનનો ઉપયોગ કરવા માટે મજબૂત પાટા સાથે ફરીથી બિછાવવામાં આવી. તેમ છતાં, 1880 સુધી એન્જિનનો નિયમિત ઉપયોગ થતો ન હતો.
1949 માં #ગાયકવાડ બરોડા સ્ટેટ રેલ્વેને બોમ્બે સાથે જોડી દેવાયું , જે પછીથી 1951 માં પશ્ચિમ રેલ્વેની રચના માટે અન્ય ઝોનમાં જોડાયું હતું.
ટિપ્પણીઓ નથી:
ટિપ્પણી પોસ્ટ કરો