બાકીના ચારમાંથી માત્ર બે સ્પર્ધકો 4.25મી. ક્લિયર કરવામાં સફળ થયા. એ બંને જાપાનના હતા, શુઇ નિશિદા અને સુએઓ ઓ. બંને જાપાની યુનિવર્સિટીના વિદ્યાર્થીઓ અને સારા મિત્રો હતા.
પાક્કી ભાઇબંધીને કારણે તેઓ એકબીજા સામે સ્પર્ધા કરવા માંગતા ન હતા. એમણે વિનંતી કરી કે, બંનેને સિલ્વર મેડલ આપી શકાય? ઓલિમ્પિક અધિકારીઓએ નિયમો ટાંકીને ઇનકાર કર્યો કે, માત્ર એક જ વ્યક્તિ સિલ્વર જીતી શકે છે અને બીજાએ બ્રોન્ઝ સ્વીકારવો પડે. છેવટે નક્કી થયું કે, શુઇ નિશિદા સિલ્વર મેડલ જીતશે કારણ કે તેણે ઓછા પ્રયત્નોમાં 4.25 મીટરનું લક્ષ્ય પાર કર્યું હતું. બંને મિત્રો અસંતુષ્ટ હતા પરંતુ અનિચ્છાએ આ નિર્ણય સ્વીકાર્યો.
જાપાન પરત ફર્યા પછી, એમણે પહેલું કામ એ કર્યું કે, એક લુહાર પાસે જઈને પોતપોતાના ચંદ્રકોને અડધા ભાગમાં કપાવ્યા અને તેમને એક બીજા સાથે જોડાવી દીધા.
આ રીતે બંને મેડલમાં અડધું સિલ્વર અને અડધું બ્રોન્ઝ રહ્યું અને બંને મેડલ સાવ અલગ એવી સિ - બ્રોન્ઝ ધાતુના બની ગયા.
દોસ્તીને મૂર્ત સ્વરૂપ આપનાર આ મેડલ્સ ઓલિમ્પિકના ઇતિહાસમાં 'મેડલ્સ ઓફ ફ્રેન્ડશીપ' તરીકે પણ ઓળખાય છે.
