તાજેતરમાં જ રાજકોટના રાજવી પરિવાર દ્વારા આયોજીત એક કાર્યક્રમનો પ્રશંશનીય વિડિયો બહુ વાયરલ થયો છે. બુલેટ મોટર સાઈકલ અને ખુલ્લી જીપમાં સવાર શક્તિ સ્વરુપાઓને તલવારબાજી કરતી જોઈએ તો જાણે સાક્ષાત દુર્ગાના દર્શન કરતા હોઈએ એવી રોમાંચક અનુભૂતિ થાય. સાથે સાથે એવો પણ વિચાર ઝબકી જાય કે, અબળા થઈને હંમેશાં રોદણાં રડવાને બદલે જો આવી ક્ષમતા કેળવવાની કોશિષ થાય તો મોટા ભાગની ફરિયાદો દૂર થઈ જાય. કદાચ એટલે જ મહિલાઓ માટેની શ્રીમતી નાથીબાઈ દામોદર ઠાકરશી યુનિવર્સિટીનો મુદ્રાલેખ યથાર્થ રીતે 'संस्कृता स्त्री शिवाशक्ति' છે.
વાત અહીં અટકતી નથી, પોતાના ગામમાં પ્લાસ્ટિક અને ડીસ્પોઝેબલ વાસણોનો ઉપયોગ ન થાય તે માટે એ એક 'વાસણ બેંક' ચલાવે છે, જેમાંથી બધા ગ્રામજનોને વપરાશ માટે વિનામૂલ્યે વાસણો આપવામાં આવે છે. આમ ગામને પ્લાસ્ટિક મુક્ત બનાવવામાં નિરુ સફળ રહી છે. નીરુ યાદવ દેશની પહેલી મહિલા સરપંચ છે જે 'સચ્ચી સહેલી મહિલા એગ્રો' નામથી FPO નું સંચાલન કરે છે , જેમાંથી ખેડૂતોને બિયારણ- ખાતર અને અન્ય ઉપયોગી વસ્તુઓ વાજબી ભાવે મળી રહે છે. આદિત્રી ફાઉંડેશન નામના NGO થકી નીરુ યાદવ મહિલા ઉત્કર્ષની પ્રવૃત્તિઓ પણ કરે છે. નિરુ એની આવી પ્રવૃત્તિઓ માટે અનેક પુરસ્કારોથી સન્માનિત પણ થઈ છે.
KBC માં સેલીબ્રીટી તરીકે જઈ આવેલી અને ફેસબુક પર દસ લાખ ફોલોઅર્સ ધરાવતી આ મહિલા સરપંચને નિ:શંક સ્વરૂપે શક્તિ સ્વરૂપા ગણવી પડે કે નહીં?
વાતમાં રસ પડ્યો હોય તો neeruyadavjjn નામના insta handle અથવા Niru Yadav Youtube કે facebook પર એની પ્રોફાઇલમાં ચક્કર મારી લેજો.
ટિપ્પણીઓ નથી:
ટિપ્પણી પોસ્ટ કરો